UMA FU SRANAN

User Rating: 0 / 5

Star InactiveStar InactiveStar InactiveStar InactiveStar Inactive
 
UMA FU SRANAN
Mi gudu uma
Mi lobi mama
Uma na a tra afu
fu a sani san w’e
kari libisuma
Uma unu de na
moro prespari sani
ini kondre
Unu e tyari pikin
kon na ini grontapu
Na unu e gi den sma
nyannyan
Na unu e tyari
libimakandra
No meki mansma wawang
tyari a nem dat ding na basi
fu libi
Sondro uma manengre
na noti, neks, s’so boto
Teki yu presi
Du sang yu musu du
fu sorgu tak’ mansma
kan sabi tak’ sondro yu
grontapu no sa drai, gro
no meki sma pori yu libi
taygi yu fu tapu yu srefi
na alla sey
Bika mansma sabi
tak’ a sani di de na yu
mindrifutu
waarti moro alla gudu
na ini grontapu
Tyari yusrefi nanga koni
Sabi yu waarti
Sabi san yu e du
De a moro bun sani
san yu kan de
Feni yu krakti
Hori yu makti
Uma mi gudu
mi lekker
Arki mi, mi sisa
If a gersi leki mi mandi
nanga yu
Na soso gi yu eygi bun
mi e feriferi yu
Bika na krakti mi e winsi yu
Hori yu na loktu.
Arlette Codfried
Uit Uma, Vrouw, Woman 2010

Print Email